Xogando con Xandre na PDI
A compañeira Rosa Martínez do CEIP Santo Paio de Abaixo de Redondela nos envía esta experiencia:
O outro día contamos un conto moi especial, o conto chamábase:
Xandre, o elefante sen sombra.É un conto especial porque é un conto para todos os nenos e nenas: altos, baixos, grandes, pequenos, con problemas visuais,… e que se pode ler de moitos xeitos, coa lingua de signos, cos pictogramas, con letras, etc.
Ademais, xunto co profe Miguel, fixémoslle a Xandre a súa canción e agora non paramos de cantala nin un so segundo, a que si, Lucas?
Pero hoxe fixemos algo máis, subimos á aula de informática e colocámonos diante da PDI, unha pantalla moi especial na que podemos pintar e facer moitísimas cousas con tan so mover un dedo. Xancre, como sabía que estabamos viaxando pola China regalounos uns xogos de sombras, como as sombras do seu conto. E foi moi divertido… xogar así!
E aquí o vídeo coa reportaxe:
Pé de media (e descrición alternativa): Un vídeo coa montaxe audiovisual do alumnado do CEIP Santo Paio de abaixo, unha reportaxe gráfica coas fotos nas que se pode ver ao alumnado traballando coa PDI do seu cole, especialmente coas actividades que se xuntan ao conto de Xandre, o elefante sen sombra
.
Moi ben Exploradores !!!!
Mirade que ben. E despois a profe Rosa di que non moito controla de tics.
Moitísimas grazas, pero o mérito é dos exploradores, que están “toliños” co conto de Xandre. Grazas a vos por publicar no voso blogue a nosa pequena aportación